par dilon mein savera abhi honeko hai
Manzil toh hamein kab se dikh gayi
magar raahon ka nazaara hone ko hai
Jung ki nisha toh kab se khatam ho gayi
par Aman ka Ujaala abhi honeko hai
Nafrat ki chingaariyan toh kab se khamosh hai
par Mohabbat ki muskurahat abhi chaane ko hai
Raat ke andhere ki saazish toh kab se ho gayi
par insaaniyat ka diya abhi jagne ko hai
Mandir mein Bhagwan ko toh kab se baitha diya
par dilon mein Allah ka basera honeko hai
Kshitij pe ek nanhi si kiran hai muskurayi
shayad duniya mein pyaar ka savera honeko hai.....
No comments:
Post a Comment